Monday, September 18, 2017

''ဒေါက်တာလွဏ်းဆွေဘလော့ ၁၀ နှစ်ပြည့်''

ဒီကနေ့ ကျနော့်ရဲ့ "ဒေါက်တာလွဏ်းဆွေဘလော့ (www.drlunswe.blogspot.com) ကို တင်ဆက်ခဲ့တာ ၁၀ နှစ်တင်းတင်း ပြည့်မြောက်တဲ့နေ့ ဖြစ်ပါတယ်။ ပါဝင်ရေးသားခဲ့ကြတဲ့ မြန်မာ့ဒီမိုကရေစီရေးတိုက်ပွဲဝင် ရဲဘော်ရဲဘက်များ၊ မြန်မာ့ဒီမိုကရေစီရေးတိုက်ပွဲကို ထောက်ခံအားပေးခဲ့ကြတဲ့ မိတ်ဆွေသင်္ဂဟများနဲ့ ဖတ်ရှုအားပေးခဲ့ကြတဲ့ ပြည်တွင်းပြည်ပမှ ဘလော့ပရိသတ်အပေါင်းကို အထူးပဲကျေးဇူးတင်ရှိပါကြောင်း လေးစားစွာ ပြောကြားလိုက်ရပါတယ်။

ဒေါက်တာလွဏ်းဆွေ
၁၈ စက်တင်ဘာ ၂၀၁၇

အပြည့်အစုံသို့...

မစ္စတာဗြောင်လိမ်ရဲ့ သတင်းစာရှင်းလင်းပွဲ

အတိုင်ပင်ခံရုံးသတင်းထုတ်ပြန်ရေးကော်မတီက ထုတ်ပြန်ခဲ့တဲ့ ရိုဟင်ဂျာနဲ့ ပတ်သက်တဲ့ သတင်းတွေကို ကြည့်ရင် ရိုဟင်ဂျာတွေ မကောင်းတဲ့သတင်းသက်သက်ကိုသာ တဖက်သတ်ထုတ်ပြန်တာတွေ့ရတယ်။ ရိုဟင်ဂျာတွေခံရတဲ့သတင်း ဒုက္ခရောက်တဲ့သတင်းတခုမှ မပါဘူး။ အဲဒါကိုက မယုံစရာ ဖြစ်နေတယ်။

သူတို့သတင်းတွေမှာ ရေးထားတာတွေအတိုင်း ဆက်စပ်ကြည့်ရင် ARSA ရိုဟင်ဂျာ ကယ်တင်ရေး တပ်မတော်က ရဲစခန်းတွေကိုတိုက်တယ်။ အဲဒါကို ရိုဟင်ဂျာ အရပ်သားတွေက ဝိုင်းဝန်းကူညီတယ်။ ARSA နဲ့ ရိုဟင်ဂျာ အရပ်သားတွေပေါင်းပြီး ရခိုင်တွေ၊ ဟိန္ဒူတွေကို တိုက်ခိုက်တယ်။ သတ်ဖြတ်တယ်။ ရိုဟင်ဂျာ အရပ်သားတွေက ကိုယ့်အိမ်ကိုယ်မီးရှို့ကြတယ်။ အနီးအနားဖြတ်လာတဲ့ တပ်မတော်စစ်ကြောင်းကို အထင်မှားအောင် တပ်မတော်စစ်ကြောင်း ရောက်လာတဲ့အချိန်မှာ ကိုယ့်အိမ်ကိုယ် အချိန်ကိုက် မီးရှို့ထွက်ပြေးတယ်လို့တောင် ဆိုလိုက်သေးတယ်။

အစိုးရစစ်တပ်ကတော့ ရိုဟင်ဂျာ အရပ်သားတွေကို ဘာမှမလုပ်ဘူးလို့ အင်တာဗျူးတွေမှာ ပြောတယ်။

ဒါပေမယ့်ခက်တာက ဘင်္ဂလားဒေ့ရ်ှဘက်မှာ ရိုဟင်ဂျာတွေ ၃ သိန်း ၈ သောင်းကျော် ထွက်ပြေးလာကြတယ်။ (ကုလသမဂ္ဂ UNHCR ရဲ့ ထုတ်ပြန်ကြေညာချက်) အဲသလို ထွက်ပြေးလာကြတဲ့ ရိုဟင်ဂျာတွေထဲမှာ သေနတ်ကျည်ဆံ ဒဏ်ရာနဲ့ ထွက်ပြေးလာကြတဲ့သူတွေလည်း ပါတယ်။ (ကုလသမဂ္ဂ UNHCR ထုတ်ပြန်ကြေညာချက်)

အဲဒီမှာ ဇာတ်လမ်းကတော်တော် ရှေ့နောက်မညီဖြစ်လာတယ်။ အဆီအငေါ်မတည့်ဖြစ်လာတယ်။ တိုက်တော့လည်း ရိုဟင်ဂျာတွေ။ ထွက်ပြေးတော့လည်း ရိုဟင်ဂျာတွေ။ ပြေးတာကလည်း တယောက်နှစ်ယောက် သွေးရူးသွေးတန်းနဲ့ ပြေးတာမျိုးမဟုတ်။ လူ ၄ သိန်းနည်းပါးကြီးများတောင်။ ကဲ.... ဘယ်လိုကြီးလဲ။ ရိုဟင်ဂျာတွေပဲ ရူးနေကြသလား။ ပေါ်တင်ကြီးမျက်စိမှိတ်ဗြောင်ညာ တဲ့ မှူးဇော်တို့ စစ်အာဏာရှင်တွေပဲ ရူးနေကြသလား။ ဒီလောက်ဗြောင်ညာတာကို ဘာပြောပြောယုံနေကြတဲ့လူတွေပဲ ရူးနေကြသလား။

အဲဒီအချက်ကို တော်တော်လေး ဝေဖန်စရာဖြစ်လာတော့ ငြိမ်မနေနိုင်တော့ဘဲ မှူးဇော်က ထွက်ရှင်းတယ်။ စက်တင်ဘာ ၁၃ ရက်နေ့က သမ္မတအိမ်တော်မှာလုပ်တဲ့ သတင်းစာရှင်းလင်းပွဲမဟုတ်ပါဘူးဆိုတဲ့ သတင်းစာရှင်းလင်းပွဲမှာ ရှင်းတယ်။ ရိုဟင်ဂျာတွေထွက်ပြေးတာဟာ တပ်မတော်ကြောင့် မဟုတ်ဘူးတဲ့။ ဘာ့ကြောင့်ရိုဟင်ဂျာတွေ ထွက်ပြေးသလဲဆိုတော့ အချက် ၃ ချက်သူကပြောတယ်။ ၁။ ARSA သူပုန်တွေက တိုက်ခိုက်ပြီးထွက်ပြေးကြတယ်တဲ့။ ၂။ ARSA သူပုန်ကိုအားပေးကူညီပြီး သူတို့နဲ့ အတူတူ တိုက်ခိုက်ကြတဲ့ သင်တန်းဆင်း ရွာသားတွေကလည်း သူတို့လုပ်ရပ်တွေပေါ်ပြီး အဖမ်းခံရမှာကြောက်လို့ ထွက်ပြေးတယ်တဲ့။ ၃။ ARSA က ငါတို့တော့ချတော့မယ်ဆိုပြီး အမျိုးသမီးတွေနဲ့ ကလေးငယ်တွေကို ရှောင်ခိုင်းလို့ ထွက်ပြေးကြတယ်တဲ့။ မှူးဇော်ဘယ်လောက်မျက်နှာပြောင်တိုက် ဗြောင်လိမ်တတ်သလဲ ဆိုတာ အဲဒီမှာ နောက်တခါ ဘွားဘွားကြီးပေါ်ပြန်တယ်။ တခါလိမ်မိရင် ဆက်ကာဆက်ကာ လိမ်ရတော့တယ်ဆိုတာ ဒါမျိုးပဲ။ ARSA သူပုန်နဲ့ ARSA သူပုန်ကိုအားပေးကူညီပြီး တိုက်ခိုက်တဲ့သူ အရေအတွက်ဟာ ဘယ်လောက်များ.... များသလဲ။ သူတို့တိုက်ပွဲသတင်းတွေမှာ ပိုပိုကြိုကြိုပြောထားတဲ့ သတင်းပဲကြည့်ပါ။ အကြမ်းဖက်တိုက်ခိုက်သူ လူအုပ်ကြီးပမာဏဆိုတာကို သူတို့သတင်းတွေထဲမှာပါတဲ့ အရေအတွက်ပဲပေါင်းကြည့်ပါ။ သောင်းဂဏန်းပြည့်ဖို့ခက်ပါတယ်။ ထားလိုက်ပါတော့ ပိုပိုကြိုကြို လွန်ရောကျွံရော ၃ သောင်းလောက်ပေးထားလိုက်ပါ။ သူတို့စိတ်ကျေနပ်သွားအောင်။ အဲဒီ ၃ သောင်းဆိုတဲ့ ဂဏန်းဟာ အခုထွက်ပြေးကြတဲ့ ၃ သိန်း ၈ သောင်းဆိုတဲ့ ကိန်းဂဏန်းနဲ့တွက်ကြည့်ရင်တော့ ကွာလွန်းလှတယ်။ အစွန်းထွက်တောင် မရှိဘူး။ အဲဒီတော့ သူပြောတဲ့ တတိယအမျိုးအစားကို ထပ်ပြီး ထည့်ပေါင်းကြည့်လိုက်ပါဦး။ ARSA က ငါတို့တော့ချတော့မယ်ဆိုပြီး သူတို့ ရိုဟင်ဂျာ အမျိုးသမီးတွေနဲ့ ကလေးငယ်တွေကို ရှောင်ခိုင်းသတဲ့။ ယုတ္တိမရှိပုံက ကြည့်ဦး။ ရှောင်ခိုင်းတဲ့လူက တိုက်ပွဲမဖြစ်ခင်က လွတ်လွတ်ကျွတ်ထွက်ပြေးနိုင်အောင် ကြိုမပြောဘဲ သတ်ဟယ်ဖြတ်ဟယ်ဆိုတာတွေဖြစ်ပြီးမှ ရှောင်ကြလို့ ပြောတာလား။ အဲဒီအချိန်ကျမှတော့ ARSA ကရှောင်ခိုင်းဖို့ရော လိုသေးလား။ ဒါမှမဟုတ် ARSA ကရှောင်ခိုင်းထားတာကို အဲဒီအမျိုးသမီးတွေ ကလေးတွေက မရှောင်သေးဘဲ ဟယ်... ငါတို့တော့ ငါတို့အိမ်တွေ မီးရှို့ချင်သေးလို့ တိုက်ပွဲဖြစ်ပြီးအောင် စောင့်လိုက်ဦးမယ်ဆိုပြီး စောင့်နေတာလား။ ဒါမှမဟုတ် ကလေးတွေက မီးထွန်းပွဲတော်မကြည့်ရတာကြာပြီ ကြည့်ချင်သေးတယ်ဆိုလို့များ စောင့်ကြည့် နေကြတာလား။ ARSA အဲသလို ရှောင်ခိုင်းတဲ့ လူဦးရေကလည်း ၃ သိန်းခွဲတောင် ရှိသတဲ့လား။

သေနတ်ဒဏ်ရာနဲ့ ထွက်ပြေးလာတဲ့ သူတွေ အကြောင်းတော့ ဘာမှ မပြောဘူးဗျ။ မေ့သွားတယ် ထင်ပါရဲ့။ မေ့သွားတာတော်သေးတယ်။ တကယ်လို့များမမေ့ရင် အဲဒီရိုဟင်ဂျာတွေဟာ တပ်မတော်အပေါ်နိုင်ငံတကာ က အထင်မှားစရာဖြစ်အောင် ပဋိပက္ခဖြစ်ချိန်နဲ့ ချိန်ကိုက်ပြီး ကိုယ့်ကိုယ်ကိုယ် သေနတ်နဲ့ပစ်ပြီး ထွက်ပြေးပါတယ်လို့ ပြောချင်ပြောမယ့်လူ။ ဒီလောက်မျက်နှာပြောင်တိုက်တဲ့လူဟာ ဘာဖြစ်ဖြစ် ပြောမှာပဲ။ (သီတာထွေး ကိစ္စတုန်းကလည်း မှူးဇော်လိမ်ပြီးဖွတာကို လက်ပူးလက်ကြပ်မိခဲ့ကြဖူးတယ်။ တနေ့က ဒုက္ခသည် ဟိန္ဒူတွေကို မီးသွားရှို့ခိုင်းပြီး မွတ်ဆလင်တွေ ကိုယ့်အိမ်ကိုယ်မီးရှို့ကြတယ်လို့ ဓာတ်ပုံတင်ပြီး လိမ်တာလည်း မိခဲ့ဖူးတယ်။)

မှူးဇော်လိမ်နေတယ်။ စစ်အာဏာရှင်တွေလိမ်နေတယ်။ ကြီးကြီးကျယ်ကျယ်လိမ်နေတယ်။ ထပ်ကာထပ်ကာလိမ်နေတယ်။ ရခိုင်နဲ့ ရိုဟင်ဂျာ နှစ်ဘက်စလုံးသွေးချောင်းစီးအောင် လုပ်နေတယ်။ အဲသလိုလုပ်တာဟာ သူတို့ရိုဟင်ဂျာကို တကယ်မုန်းလို့ မဟုတ်ဘူး။ (မဲလိုချင်တော့ ဝှိုက်ကတ်ထုတ်ပေးပြီးမဲပေးခိုင်းခဲ့တာကိုကြည့်။) ရခိုင်ကိုချစ်လွန်းလို့လည်း မဟုတ်ဘူး။ (လျှပ်စစ်မီးတောင် မပေးတာတခုတည်းပဲကြည့်၊ ကျန်တာပြောစရာများလွန်းလို့ သိပ်ရှည်မစိုးလို့ မပြောတော့ဘူး။)

တကယ်တန်းက ရိုဟင်ဂျာ၊ ရခိုင်အားလုံးကို ဓားစာခံအဖြစ် စတေးပြီး သူတို့ အာဏာတည်မြဲရေး လုပ်နေတာပဲ။ စစ်အာဏာရှင်စနစ် ရာသက်ပန်တည်မြဲရေးလုပ်နေတာပဲ။

၁။ ရခိုင်ထောက်ခံမှု ရအောင်လုပ်နေတာ။
၂။ ဗုဒ္ဓဘာသာထောက်ခံမှု ရအောင်လုပ်နေတာ။
၃။ ဒေါ်အောင်ဆန်းစုကြည်ကို မူဆလင် အားပေးတယ်ဆိုပြီး ဗုဒ္ဓဘာသာတွေ ထောက်ခံမှုကျအောင် လုပ်နေတာ။ (ဒီအချက်အားကောင်းအောင် မဘသနဲ့ အင်အားဖြည့်ပြီး ဝါဒဖြန့်တိုက်ခိုက်လိုက်သေးတယ်။)
၎။ တချိန်တည်းမှာပဲ ဒေါ်အောင်ဆန်းစုကြည်ဟာ မူဆလင်တွေ မတရားခံနေရတာကို သိက္ခာမဲ့စွာ မျက်နှာလွှဲခဲပစ်လုပ်နေတယ်ဆိုပြီး နိုင်ငံတကာက ရွံရှာမုန်းတီးအောင်လုပ်နေတာ။
၅။ စစ်တပ်မရှိရင် မဖြစ်ဘူး။ ဒေါ်အောင်ဆန်းစုကြည်က တိုင်းပြည်ကို တည်ငြိမ်အောင် မထိန်းသိမ်းနိုင်ဘူးလို့ ထင်လာအောင်လုပ်နေတာ။ (အဲဒီအချက်ကို ထင်ရှားအောင် တိုင်းပြည်မတည်ငြိမ်အောင် အားဖြည့်လုပ်ဆောင်တာကတော့ ကချင်နဲ့ ရှမ်းတွေ၊ တအာန်းတွေကို ဒေါ်အောင်ဆန်းစုကြည်လက်ထက်မှာ စစ်ပွဲတွေ တိုးမြှင့်တိုက်ခိုက်တယ်။ ဒါ့အပြင် စစ်တပ်လော်ဘီ သမားတွေက ဒေါ်စုလက်ထက်မှာ တိုင်းပြည် မတည်ငြိမ်ဘူးဆိုပြီး အကြီးအကျယ်ဝါဒဖြန့်ချိရေးလုပ်နေတာ တွေကိုလည်း သတိထားကြည့်ရင်တွေ့ရမယ်။)
၆။ ရွှေဝါရောင်တော်လှန်ရေးမှာတုန်းက ကမ္ဘာက လေးစားကြည်ညိုခဲ့ကြတဲ့ ဗုဒ္ဓဘာသာဘုန်းတော်ကြီးတွေကို ကမ္ဘာက မုန်းတီးအောင်လုပ်နေတာ။ အဲသလို ကမ္ဘာကမုန်းလေ။ သူတို့ စစ်တပ်အောက်မှာ ဘုန်းတော်ကြီးတွေ ရောက်လေပဲ။

စစ်အာဏာရှင်တွေရဲ့ ကောက်ကျစ်ယုတ်မာတဲ့ ထောင်ချောက်ထဲမှာ ဗုဒ္ဓဘာသာဝင်တွေ၊ ရခိုင်တွေ၊ ရိုးသားတဲ့ပြည်သူတွေ တော်တော်များများ အကြီးအကျယ် ဇောက်ထိုးမိုးမျှော်ကျနေပြီ။

အခုဟာက ကျွန်ပိုင်ရှင်တွေက ကျွန်အချင်းချင်း ဓားခုတ်ပြိုင်ခိုင်းတာကို ဆုရချင်လွန်းလို့ အသေခုတ်ပြနေကြသလိုဖြစ်နေပြီ။

အမြင်မှန်ရကြပါ။ ထောက်ချောက်ထဲက ပြန်ရုန်းထွက်ခဲ့ပါ။ မအကြပါနဲ့။ မတုံးကြပါနဲ့။ လောဘ၊ ဒေါသ၊ မောဟ မီးတွေ ဖိစီးပြီး လူသတ်သမားတွေကို ဘုရားလုပ်မကိုးကွယ်ကြပါနဲ့။ ဆင်းရဲသားချင်း ခွက်စောင်းမခုတ်ကြပါနဲ့။ ဒါလောက်ရိုးရှင်းတဲ့ လှည့်ကွက်ကိုမှ မမြင်ရင် စစ်အာဏာရှင်စနစ် သက်ဆိုးရှည်မယ်။ စစ်ကျွန်သက်တမ်း ရှည်မယ်။ ဆင်းရဲတွင်းမှာ နှစ်ပေါင်းတထောင် နစ်မွန်းသွားလိမ့်မယ်။

ဇော်ဝင်း
၈၈ ဗကသ ကျောင်းသားဟောင်း

(Zaw Win's Facebook Status မှ ကူးယူဖော်ပြသည်။)

အပြည့်အစုံသို့...

ရိုဟင်ဂျာ သရဲကြီးခြောက်လေပြီ

လူမျိုးရေးမုန်းတီးမှုတွေ၊ လူမျိုးရေး အဓိကရုဏ်းတွေကို တမင်ရည်ရွယ်ချက်ရှိရှိနဲ့ စီစဉ်ဖန်တီးသူဟာ စစ်အာဏာရှင်တွေပါပဲ။

၂၀၁၂ ခုနှစ်မှာ သီတာထွေးအသတ်ခံရတော့ ဒါကို အကြောင်းပြုပြီး လူမျိုးရေးမုန်းတီးမှုတွေ၊ အဓိကရုဏ်းတွေ ဖြစ်အောင် ဖေ့စ်ဘုတ်ကို အသုံးပြုပြီး ဦးဆောင် လှုံ့ဆော်ခဲ့သူဟာ မှူးဇော်ပါ။ အဲသလို လှုံ့ဆော်မှုတွေလုပ်လွန်းလို့ အဲဒီအချိန်က နာမည်ပျက်သွားခဲ့လို့ အစိုးရရဲ့ ပြောရေးဆိုခွင့်ရှိသူနေရာမှာ မှူးဇော်ခေါ် ဦးဇော်ဌေးတာဝန်ယူနေရာကနေ ဦးရဲထွဋ်ကို လွှဲပြောင်းပေးခဲ့ရတာကိုလည်း မှတ်မိကြဦးမယ် ထင်ပါတယ်။ အဲဒီဦးဇော်ဌေးဟာ ဦးသိန်းစိန်လက်ထက်မှာ သမ္မတရုံးညွှန်ကြားရေးမှူးလုပ်ခဲ့တယ်။ အခုဒေါ်အောင်ဆန်းစုကြည် လက်ထက်မှာ ရာထူးတောင်တက်သွားပြီး ညွှန်ကြားရေးမှူးချုပ်ဖြစ်သွားလိုက် ပါသေးတယ်။ လူယုတ်မာတွေ ဆက်လက်ကောင်းစားကြီးပွားနေတာကိုက ခေတ်ကောင်းစနစ်ကောင်းကို မရောက်သေးဘူးဆိုတာ ထင်ထင်ရှားရှားပြနေတဲ့အချက်ပါပဲ။

ဒါပေမယ့် အဲသလို လူမျိုးရေး အဓိကရုဏ်းဖြစ်အောင် မီးထိုးလှုံ့ဆော်တာဟာ မှူးဇော်တယောက်တည်းသ ဘောနဲ့ လုပ်ချင်တိုင်းလုပ်တာ မဟုတ်ပါဘူး။ သူတို့စစ်အာဏာရှင်တအုပ်လုံးရဲ့ စီမံကိန်းပါ။ အစိုးရသတင်းစာထဲကနေ ကုလားတွေလို့သုံးနှုန်းပြီး မူဆလင်ဘာသာဝင်တွေအပေါ် ချိုးနှိမ်ရေးသားခဲ့တယ်။ အဲဒီနောက် တောင်ကုတ်မှာ မူဆလင်ဘာသာရေးခေါင်းဆောင် ၁၀ ယောက်ကို ခရီးသွားနေရင်းမှာ လူအများရှေ့မှာပဲ ကားပေါ်ကဆွဲချပြီး ရက်ရက်စက်စက် သတ်ဖြတ်ခဲ့တယ်။ ခရီးသည် အများ ရှေ့မှာ အပြစ်မဲ့ဘာသာရေးဆရာတွေကို ရက်ရက်စက်စက် ပြောင်ပြောင်တင်းတင်း သတ်ဖြတ်ခဲ့တဲ့ အဲဒီအမှုဟာ ဒီနေ့အထိ လက်သည် မပေါ်ဘူး။ ဒီမိုကရေစီအစိုးရလို့ခေါ်နေတဲ့ ဒီနေ့ခေတ်ရောက်တော့လည်း အဲဒီလူသတ်မှုတွေ လက်သည် မပေါ်ဘူး။ ဒါကိုကြည့်ရင် ဘာသာရေးမီးမွှေး လှုံ့ဆော်ပေးနေသူတွေထဲမှာ မှူးဇော်ဟာ ဖုံးဖိမရအောင် ပေါ်လွင်ထင်ရှားခဲ့ပေမယ့် သူတယောက်တည်း ကြံနေတာ မဟုတ်ဘဲ သူတို့တအုပ်စုလုံးရဲ့ မဟာအကြံအစည်ဆိုတာ ထင်ရှားတယ်။

ဒီ့ထက်ထင်ရှားပေါ်လွင်တာကတော့ မိတ္ထီလာအရေးအခင်းပဲ။ မူဆလင်ဘာသာဝင်တွေ မသေမရှင်တွေကို မီးရှို့သတ်ဖြတ်တဲ့ ဗီဒီယိုတွေ အခုထိ ယူကျုပေါ်မှာ ရှိသေးတယ်။ အဓိကရုဏ်းအရှိန်တက်လာတော့ မူဆလင်ဘာသာရေးကျောင်းမှာ ရောက်နေတဲ့ ဆယ်နှစ်အောက် မူဆလင်ကလေးငယ်လေးတယောက်ကို ကိုယ်ချင်းစာနာတဲ့ ဗုဒ္ဓဘာသာဝင်မိတ်ဆွေ တယောက်က ဆိုင်ကယ်နဲ့သွားခေါ်လာခဲ့တယ်။ အဲသလိုသွားခေါ်လာခဲ့တဲ့ လူရဲ့ဆိုင်ကယ်ပေါ်က ကလေးငယ်ကို လမ်းမှာ လူတွေက ဆွဲချပြီး သတ်ဖြတ်လိုက်ကြတယ်။ သံဃာတပါးကို မူဆလင်တွေက အပြန်အလှန်သတ်ဖြတ်တဲ့ ဖြစ်စဉ်လည်း ဖြစ်ခဲ့တယ်။ အဲဒီသတ်ဖြတ်တဲ့မူဆလင်တွေကို ရဲကဗီဒီယိုရိုက်၊ စစ်ကြောရေးလုပ်ပြီး အဲဒီစစ်ကြောရေး ဗီဒီယိုကို အွန်လိုင်းတင်ပြီး ပဋိပက္ခကြီးထွားအောင် ထပ်ချဲ့ပေးတယ်။ (အခုအခါမှာ လူ့အခွင့်အရေးရှေ့နေလို့ နာမည်ကြီးနေတဲ့ မန္တလေးက ရှေ့နေတယောက်ကလည်း အဲဒီမူဆလင်တွေရဲ့ အမှုမှာ သိန်းရာဂဏန်းတော်တော်များများ ပွပေါက်ကြံသွားသေးတယ်။) ဝက်လာတောလို့ခေါ်ကြတဲ့ မြက်တော ကြားမှာ ပုန်းနေတဲ့ မူဆလင်လူငယ်ကို ဓားကိုင်ထားတဲ့လူတွေကဝိုင်းပြီး ခုတ်သတ်တာကိုလည်း အားလုံးမှတ်မိကြဦးမယ် ထင်ပါတယ်။ ဓားရှည်ကိုင်ပြီး ပုဆိုးခါးတောင်းကျိုက်နဲ့ ပြေးဝင်လာတဲ့ လူကို မှတ်မိကြဦးမယ် ထင်တယ်။ တုတ်ရှည်ကိုင်ထားတဲ့ ဘုန်းကြီးတပါးပါတာကိုလည်း မှတ်မိကြပါလိမ့်ဦးမယ်။ အဲသလို မူဆလင်တွေကို ဓားနဲ့ ခုတ်သတ်နေချိန်မှာ မူဆလင်တွေကို မီးရှို့သတ်ဖြတ်လို့ မသေမရှင်လူတွေ တွန့်လိမ်လှုပ်ရှားနေချိန်မှာ ဘေးမှာ ရဲတွေ လုံခြုံရေးတွေက တုတ်တွေ၊ ဒိုင်းတွေ၊ သေနတ်တွေ ကိုင်ပြီး ရပ်ကြည့်နေကြတာကိုလည်း အားလုံးမှတ်မိပါလိမ့်မယ်။ အခုပြန်ကြည့်ချင်ရင် ယူကျုမှာအခုပြန်ရှာကြည့်လို့ တွေ့နိုင် ပါသေးတယ်။ အဲဒီအရေးအခင်းမှာ လုံခြုံရေးတပ်ဖွဲ့တွေကို တိုက်ရိုက်ကွပ်ကဲ အမိန့်ပေးခဲ့သူဟာ မန္တလေးတိုင်းမှူးရဲမြင့်ပါ။ လူယုတ်မာတဦးတယောက်ရဲ့ အကြံအစည်မဟုတ်ဘဲ စစ်အာဏာရှင်တအုပ်စုလုံး ရဲ့ ယုတ်မာပက်စက်တဲ့ အကြံအစည်ဖြစ်ကြောင်းပေါ်လွင်အောင် ရှင်းပြနေတာပါ။

မူဆလင်တွေကို ရက်ရက်စက်စက် သတ်ဖြတ်လုပ်ကြံခဲ့ကြတာကို ဒီချုပ်ဦးဝင်းထိန် သူ့မျက်စိနဲ့မြင်ခဲ့တယ်။ ဘယ်လောက်ဆိုးဝါး ရက်စက်တဲ့လုပ်ရပ်ဖြစ်ကြောင်း သူပါးစပ်နဲ့မီဒီယာမှာ ရှင်းလင်းပြောဆိုခဲ့တယ်။ အဲဒီတုန်းက ဦးဝင်းထိန်ဟာ အခုနဲ့မတူသေးဘူး။ ဒါတွေဟာ ဘယ်လောက်မှမကြာသေးတဲ့ အဖြစ်အပျက်တွေပဲ။ လူတွေမေ့လွယ်ပျောက်လွယ်ဖြစ်တတ်လွန်းလို့သာ အခုလို ပြန်ပြောပြနေရတာဖြစ်ပါတယ်။

မူဆလင် မုန်းတီးရေးဟောပြောမှုနဲ့ နာမည်ကြီးပြီး ဘာသာရေး အဓိကရုဏ်းဖြစ်အောင် လှုံ့ဆော်ရေးလုပ်ခဲ့လို့ ထောင်ကျခဲ့ဖူးတဲ့ ဦးဝီရသူဟာလည်း မိတ္ထီလာအရေးအခင်းမှာ ရှေ့တန်းထွက်ရပ်ခဲ့ပါတယ်။ အဲသလိုရှေ့ထွက်ရပ်ပြီး မူဆလင်မုန်းတီးရေးတွေကို ပက်ပက်စက်စက်ပြော တော့ ဦးဝီရသူဘာဖြစ်သွားသလဲ။

အားလုံးသိကြတဲ့အတိုင်း ဦးဝီရသူကို သွားလေသူ ဦးအောင်သောင်းက လာကန်တော့တယ်။ ဗိုလ်ချုပ်မှူးကြီး မင်းအောင်လှိုင် လာကန်တော့တယ်။ ဦးဝီရသူဟာ စစ်အာဏာရှင်တွေရဲ့ အပူဇော်ခံဖြစ်သွား တယ်။

တချိန်က ရိုဟင်ဂျာတွေကို ဝှိုက်ကတ်ထုတ်ပေးပြီး ကြံ့ဖွတ်ကို မဲပေးခိုင်းခဲ့တာဟာ စစ်အာဏာရှင်တွေ ဖြစ်တယ်။ စစ်အာဏာရှင်ကြီးတွေရဲ့ ဗျာဒိတ်တော်နဲ့ ကြံ့ဖွတ် အမတ်ဖြစ်သွားတဲ့ ရိုဟင်ဂျာ အမတ် ဦးရွှေမောင် တယောက်လုံး သက်ရှိထင်ရှား ရှိနေသေးတယ်။ တဒင်္ဂသာယာမှုနောက်ကိုလိုက်ပြီး လူယုတ်မာနဲ့ ပေါင်းသင်းမိရင် ဘယ်လိုဘဝပျက်ရတတ်တယ်ဆိုတာ ဦးရွှေမောင်ကောင်းကောင်း သိလောက်ပြီ။ ဦးရွှေမောင်သွားခဲ့တဲ့ လမ်းကြောင်းအတိုင်း အခုဆက်လိုက်နေသူတွေကတော့ ဒေါ်စုနဲ့ ဒီချုပ်ဖြစ်ပါတယ်။

တချိန်က ရိုဟင်ဂျာတွေကို သူကောင်းပြုခဲ့ကြတဲ့ စစ်အာဏာရှင်တွေဟာ နောင်တချိန်မှာ သူတို့ရဲ့ သေနင်္ဂဗျူဟာ ပြောင်းလဲချင်လာတော့ ရိုဟင်ဂျာတွေကို နှိပ်စက်လာကြတယ်။ ဝှိုက်ကတ်တို့ မဲပေးခွင့်အခွင့် အရေးတို့ကိုလည်း ဦးသိန်းစိန်လက်ထက်မှာပဲ ပြန်ရုတ်သိမ်းခဲ့တယ်။

ရိုဟင်ဂျာတွေဟာ အဆင့်မြင့်ပညာ သင်ကြားရေးမှာ အကန့်သတ်ခံရတယ်။ ရိုဟင်ဂျာတွေဟာ လွတ်လွတ်လပ်လပ် အိမ်ထောင်ပြုခွင့်မရဘူး။ ရိုဟင်ဂျာတွေဟာ လွတ်လွတ်လပ်လပ်သွားလာခွင့် မရဘူး။ ရိုဟင်ဂျာတွေဟာ နေစရာလည်း မြေမရှိဘူး။ သင်စရာလည်း ပညာမရှိဘူး။ စားစရာလည်း အစားအစာ မရှိဘူး။ မျှော်လင့်ချက် ကင်းမဲ့လွန်းလို့ ထိုင်း၊ မလေးရှားနဲ့ နိုင်ငံတကာကို အသက်ကို အရင်းအနှီးလုပ်ပြီး ထွက်ပြေးပြန်တော့လည်း လူကုန်ကူးခံရလို့ တမျိုး၊ လှေမှောက်လို့ တမျိုး အမျိုးမျိုး သေကြေပျက်စီးရတယ်။ အခုဆိုရင် ရိုဟင်ဂျာ တွေကို ထိုင်း၊ မလေးရှားတို့က လက်မခံချင်ကြသလို၊ ဘင်္ဂလားဒေ့ရ်ှကလည်း လက်မခံချင်ဘူး။ ရိုဟင်ဂျာတွေ နိုင်ငံမဲ့ဖြစ်နေကြရတာ ဆယ်နှစ်ကျော်ပြီ။ ကမ္ဘာမှာ အများဆုံးသော နိုင်ငံမဲ့ အုပ်စုကြီးဖြစ်တယ်လို့ ကိုဖီအာနန် အစီရင်ခံစာမှာ ဖော်ပြထားတယ်။ တကမ္ဘာလုံးမှာရှိတဲ့ နိုင်ငံမဲ့အားလုံးရဲ့ ဆယ်ပုံတပုံဟာ ရိုဟင်ဂျာတွေဖြစ်တယ်လို့လည်း အဲဒီအစီရင်ခံစာမှာ ဖော်ပြထားတယ်။

ရခိုင်နဲ့ ကျန်တိုင်းရင်းသားလက်နက်ကိုင်တွေကလည်း ရိုဟင်ဂျာဟာ တိုင်းရင်းသားမဟုတ်ဘူးဆိုတဲ့ အကြောင်းပြချက်နဲ့ ရိုဟင်ဂျာလို့သုံးတာကိုတောင် လက်မခံချင်ကြဘူး။ လူတယောက်ကို သူကြိုက်တဲ့နာမည်ခေါ်တာဟာ လူ့အခွင့်အရေးဖြစ်သလို လူမျိုးတမျိုးကို သူတို့ခေါ်စေချင်တဲ့ နာမည်ကိုသာခေါ်တာဟာလည်း အောက်ဆုံးအဆင့်လူ့အခွင့်အရေးမျှသာ ဖြစ်တယ်။ အခုတော့ စစ်အာဏာရှင် ဗိုလ်သိန်းစိန်တို့ နိုင်ငံရေးအကွက်ဖော်ပြီ ခေါ်ခိုင်းတဲ့အတိုင်း ဘင်္ဂါလီဆိုတဲ့ နာမည်ကို တိုင်းရင်းသားတွေရော၊ ဒေါ်အောင်ဆန်းစုကြည်ရဲ့ပါတီရော၊ မီဒီယာတွေရောကပါ ခေါ်နေကြတယ်။ စစ်အာဏာရှင်တွေရဲ့ ဂျင်းထည့်တာကို အဲသလိုကို အစုလိုက်အပြုံလိုက်ကြီး ပျော်ပျော်ကြီးခံကြတယ်။ ရိုဟင်ဂျာဟာ တိုင်းရင်းသား ဟုတ်မဟုတ်ဆိုတာ ကျနော့်အတွက်တော့ အရေးပါတဲ့ အကြောင်းတခုလို့ မထင်ဘူး။ လူကိုလူလို အသိအမှတ်ပြုဖို့တော့လိုတယ်။ ရိုဟင်ဂျာဟာ တိုင်းရင်းသား မဟုတ်ကြောင်းကို အသေအလဲခုခံပြောဆို နေကြတဲ့ တိုင်းရင်းသားတွေကိုလည်း ကျနော်အံ့သြတယ်။ ဆင်းရဲသား သာမန်တိုင်းရင်းသားတွေကို ကျနော် မေးချင်ပါတယ်။ ခင်ဗျားတို့ စောက်တိုင်းရင်းသားဖြစ်ခွင့်ရတော့ စောက်အာဏာရှင်တွေက ဘာအခွင့်အရေးတွေများပိုပေးထားတုန်း။ ကျနော်လည်း တိုင်းရင်းသားပါ။ တိုင်းရင်းသားထဲမှာတောင်မှ သူများထက် တမူးဖိုး ပိုရှူခွင့်ရထားတယ်ဆိုတဲ့ ဗမာလူမျိုးကြီးပါ။ အဲသလို စောက်တိုင်းရင်းသား၊ စောက်ဗမာဖြစ်ခွင့်ရတော့ရော ကျနော်က ဘာလုပ်ရမှာလဲ။ ကပြရမှာတဲ့လား။ စောက်ဗမာလူမျိုးကြီးဖြစ်ခွင့်ရလို့ကော ဘာတွေများအခွင့်အရေး ပိုရနေလို့တုန်း။ ၈၈ အရေးအခင်းကြီးမှာ အများဆုံးသေခဲ့ကြရတာ ကျနော်တို့လို စောက်ဗမာလူမျိုးကြီးတွေဆိုတာကို မေ့သွားပြီလို့များ ထင်နေကြပါသလား။ စစ်အာဏာရှင် အကျိုးစီးပွားနဲ့ ဆန့်ကျင်လာရင်၊ သူတို့ထိုင်ခုံလှုပ်လာရင်၊ လမ်းပေါ်ထွက်ဆန္ဒပြရင် စောက်ကုလားဆို ကျည်ဆံ ၃ တောင့်၊ စောက်ကချင်၊ စောက်ရှမ်းတွေဆို ကျည်ဆံ ၂ တောင့်၊ စောက်ဗမာတွေဆိုရင်တော့ စောက်ဗမာချင်းမို့ ကျည်ဆံ ၁ တောင့်ပဲ ပစ်မယ်ဆိုတဲ့ သက်သာခွင့်မျိုးလည်း စစ်အာဏာရှင်တွေက ပေးမထားဘူးဆိုတာ မှတ်ထားကြပါ။ တိုင်းရင်းသားဖြစ်ခွင့်တို့ လူမျိုးကြီးဖြစ်ခွင့်တို့ ရလို့ ထူးခြားတယ်ဆိုတာ ထိပ်ဆုံးက အီလိတွေအတွက်ပဲထူးတာပါ။ ဗမာအီလိ၊ ရှမ်းအီလိ၊ ကချင်အီလိ၊ ရခိုင် အီလိတွေအတွက်ပဲထူးတာပါ။ အောက်ခြေက ခင်ဗျားတို့ ကျနော်တို့လို ဆင်းရဲသားအတွက်က တိုင်းရင်းသားဖြစ်ဖြစ်မဖြစ်ဖြစ် ဘာမှမထူးဘူး။ လူမျိုးကြီးဖြစ်ဖြစ် လူနည်းစုဖြစ်ဖြစ် ဘာမှမထူးဘူး။ ရိုဟင်ဂျာတွေ တိုင်းရင်းသားဖြစ်ရင်လည်း ဦးရွှေမောင်တို့လို ရိုဟင်ဂျာအီလိတွေအတွက်တော့ ထူးချင်ထူးမယ်။ အောက်ခြေရိုဟင်ဂျာဆင်းရဲသားအဖို့ရာ ဘာမှထူးစရာမရှိဘူး။

ထွက်ပေါက်မရှိအောင် ချောင်ပိတ်ရိုက်ရင် ခွေးတောင် ပြန်ကိုက်တတ်တယ်။ စစ်အုပ်စု၊ စစ်အာဏာရှင်တွေ ဟာ ရိုဟင်ဂျာတွေ မခံနိုင်အောင်၊ ပြန်တော်လှန်ကြအောင် တမင်ချောင်ပိတ် ညှဉ်းဆဲတဲ့ အလုပ်ကို ရည်ရွယ်ချက်ရှိရှိ၊ အကြံအစည်ရှိရှိ စိတ်ကူးရှိရှိနဲ့ကို လုပ်ခဲ့တယ်။

ဘာ့ကြောင့် သူတို့ အဲသလို လုပ်သလဲ။ ရွှေဝါရောင် အရေးအခင်းမှာ သူတို့ ခွေးဖြစ်ခဲ့တာကို ပြန်အဖတ်ဆည်ချင်လို့ လုပ်နေတာပါပဲ။ ဗုဒ္ဓဘာသာဝင်တွေက လူအများစုဖြစ်တဲ့ နိုင်ငံမှာ ဗုဒ္ဓဘာသာဝင် အများစုက ခါးခါးသီးသီး မုန်းတီးတာကိုခံနေရတဲ့အတွက် သူတို့ရဲ့ အင်မတန်ဆိုးဝါးလှတဲ့ ပုံရိပ်ကို ပြန်အဖတ်ဆည်ဖို့ကြိုးစားနေတာပါပဲ။

သူတို့အကြံအစည်ရှိရှိကြိုးစားခဲ့တယ်ဆိုတာကို ဦးခင်ရွှေကိုခေါင်းဆောင်ခိုင်းပြီး ဘာသာရေးအသင်း၊ ဆွမ်းလောင်းအသင်းထူထောင်ခဲ့တာတွေကို ပြန်တွေးကြည့်ရင် တရေးရေးပေါ်လာကြလိမ့်မယ် ထင်ပါတယ်။ ဟိုတယ်ဖွင့်စားတဲ့ ဇိမ်ကမ္ဘာခင်ရွှေရဲ့ ဂုဏ်သိက္ခာကြောင့် မအောင်မြင်ခဲ့ရာကနေ ဦးဝီရသူတို့ ကိုးခြောက်ကိုးတို့ မဘသတို့ပေါ်လာတော့ သူတို့အတွက် ပိုပြီးတွက်ခြေကိုက်တဲ့ နည်းလမ်းကို ရှာတွေ့သွားခဲ့ပါတယ်။ ဒါ့ကြောင့် ဦးအောင်သောင်းတို့ ဗိုလ်မင်းအောင်လှိုင်တို့က ဦးဝီရသူကို လာကန်တော့ ကြတာပါပဲ။

ဘာသာရေးအဓိကရုဏ်းဖန်တီးတဲ့နည်း ရိုဟင်ဂျာ သရဲကြီးနဲ့ ဖြဲချောက်တဲ့နည်းက တချက်ခုတ်တာနဲ့ လေးငါးချက်ပြတ်ပါတယ်။

ရိုဟင်ဂျာသရဲကြီးနဲ့ ဖြဲချောက်ပြီးတဲ့နောက်မှာ

၁။ တချိန်က စစ်အာဏာရှင်တွေကို သတ္တိကောင်းကောင်းနဲ့ ရှေ့ဆုံးက ဦးဆောင်တော်လှန်ခဲ့တဲ့ ရခိုင်လူမျိုးတွေဟာ အခုဆိုရင် တပ်မတော်က ငါတို့ တပ်မတော်၊ တပ်မတော်မရှိရင် မဖြစ်ဘူးဆိုတာမျိုးဖြစ်လာနေပါပြီ။

၂။ တချိန်က ရွှေဝါရောင် အရေးအခင်းပြီးတဲ့နောက်ပိုင်း မြင်းခြံမှာ လူမိုက်တို့ရဲ့သွားရာလမ်းဆိုတဲ့ တရားကိုဟောပြီး စစ်အာဏာရှင်တွေကိုတိုက်ခိုက်ခဲ့တဲ့ သီတဂူဆရာတော် အသျှင်ဥာဏိဿရလို ပုဂ္ဂိုလ်က အခုတော့ စစ်တိုက်ပြီး လူသတ်တာဟာ ဘုရားလောင်းအလုပ်ကိုလုပ်တာလို့ တရားဟောပေးသူ ဖြစ်လာပါပြီ။

၃။ ဗုဒ္ဓဘာသာဝင်တွေက မစင်လောက်လန်းသဖွယ်ရွံရှာစက်ဆုတ်တာကိုခံခဲ့ရတဲ့ စစ်အာဏာရှင်တွေဟာ အခုတော့ ဗုဒ္ဓဘာသာကို ကာကွယ်ပေးသူ အမျိုး၊ ဘာသာကိုစောင့်ရှောက်တဲ့ တပ်မတော်ကြီးဖြစ်လာပါပြီ။

၎။ ရွှေဝါရောင် အရေးအခင်းကြီးဖြစ်ချိန်မှာ တကမ္ဘာလုံးက တခဲနက် အုံနဲ့ကျင်းနဲ့ ကြည်ညိုလေးစားခဲ့ကြတဲ့ ရဟန်းသံဃာတော်တွေကို အခုကမ္ဘာက ဘာသာရေး အစွန်းရောက်တွေလို့ မြင်လာပါပြီ။ စစ်အာဏာရှင်ဟာ ရန်သူကို သတ်ဖြတ်ချေမှုန်းတဲ့နည်းထက်ပိုထိရောက်တဲ့၊ အကျင့်သိက္ခာပုံရိပ်ကို ဖျက်ဆီးတဲ့နည်းကို အသုံးပြုခဲ့ပါတယ်။

၅။ စစ်အာဏာရှင်တွေရဲ့ အဓိက ပြိုင်ဘက်ဖြစ်တဲ့ ဒီချုပ်နဲ့ ဒေါ်အောင်ဆန်းစုကြည်ကို မူဆလင်အားပေးသူ အဖြစ် ပြည်သူကထင်မြင်လာအောင် ပုံဖျက်နိုင်ခဲ့ပါတယ်။

၆။ ဒီချုပ်ဟာ တချိန်တည်းမှာပဲ လူနည်းစုမူဆလင်တွေကို ဖိနှိပ်သူအဖြစ်လည်း ကမ္ဘာမှာ နာမည်ပျက်ပါတယ်။ တချိန်က ဒီချုပ်ဟာ အဖိနှိပ်ခံမူဆလင်တွေဘက်က ရပ်ခဲ့ဖူးတယ်။ မိတ္ထီလာအရေးအခင်းမှာ ဦးဝင်းထိန်ဟာ မူဆလင်တွေဘက်က ရပ်တည်ပြောဆိုပေးခဲ့ဖူးတယ်။ ဒေါ်အောင်ဆန်းစုကြည်ဆီမှာ မူဆလင်ခေါင်းဆောင်တွေလာတွေ့ခဲ့ကြဖူးတယ်။ ဒါပေမယ့် မူဆလင်နဲ့ အပေးစားခံရပြီးတဲ့နောက်မှာ ဒီချုပ်ဟာ လူများစုဗုဒ္ဓဘာသာဝင်တွေက ဆန့်ကျင်မှာကိုကြောက်ပြီး သူတို့ကိုယ်တိုင်က မူဆလင်ဖိနှိပ်ရေးကို စစ်တပ်နဲ့ အတူပူးပေါင်းလုပ်ပြလာကြတယ်။ (ဒါဟာ လူပိန်းကြိုက်ပေါ်ပြူလာနိုင်ငံရေးရဲ့ အားနည်းချက်ပါပဲ။) အဲသလို မူဝါဒကင်းမဲ့တဲ့ လုပ်ရပ်ကြောင့် ဒီချုပ်ပါတီကို ကမ္ဘာက အထင်အမြင်သေးလာကြတယ်။ ကမ္ဘာမှာ ဒီချုပ်ပါတီရဲ့ နိုင်ငံရေးသိက္ခာ၊ နိုင်ငံရေးပုံရိပ် ပျက်စီးကျဆင်းတယ်။

၇။ မြန်မာဘာသာနဲ့ ထုတ်လွှင့်ပုံနှိပ်တဲ့ ပြည်တွင်းပြည်ပ ရေဒီယို၊ ရုပ်မြင်သံကြား၊ သတင်းစာတွေဟာ နိုင်ငံတော် အတိုင်ပင်ခံရုံးသတင်းရင်းမြစ်တခုတည်းကိုပဲ ကိုးကားပြီး သတင်းမှားတွေနောက်ကို လိုက်ပါကြ သူတွေဖြစ်လာတယ်။ သတင်းသမားအများစုကပါ ရိုဟင်ဂျာဆန့်ကျင်သူ၊ ရိုဟင်ဂျာကို နိုင်ငံတကာ အကြမ်းဖက်သမားတွေနဲ့ တန်းတူသဘောထားသူတွေ ဖြစ်လာကြတယ်။ စစ်အာဏာရှင်တွေရဲ့ သက်တမ်း တလျှောက်မှာ ဒီလောက်အထိ သတင်းမီဒီယာတွေ အပေါ်မှာ လွှမ်းမိုးကြီးစိုးနိုင်တာ အရင်က တကြိမ်မှ မရှိခဲ့ဖူးဘူး။

ရိုဟင်ဂျာတွေရှိတဲ့နေရာကို ဘယ်သတင်းသမားကိုမှ လွတ်လွတ်လပ်လပ်သွားခွင့်မပေးဘူး။ သတင်းသမားတွေကို တခါတလေ သွားခွင့်ပေးရင် သူတို့ရဲ့ စောင့်ရှောက်မှုနဲ့ပဲ သွားခွင့်ပေးတယ်။ သူတို့သွားခိုင်းတဲ့နေရာကိုပဲသွားရတယ်။ သွားရမယ့်နေရာက သူတို့စီစဉ်ထားပြီးသား။ တွေ့ရမယ့်လူတွေက သူတို့စီစဉ်ပြင်ဆင်ထားပြီးသား။ တွေ့ရ၊ မေးရတာက သူတို့လုံခြုံရေးသေနတ်သမားတွေရဲ့ ရှေ့မှောက်မှာ။ တိုတိုပြောရရင် ရိုဟင်ဂျာတွေရဲ့နေရာကို သတင်းအမှောင်ချထားတယ်။ ဖြစ်ရပ်မှန်ကို သိခွင့်မပေးဘူး။ တခုတည်းသော သတင်းရင်းမြစ်အဖြစ် အတိုင်ပင်ခံရုံးသတင်းထုတ်ပြန်ချက်ကို သတင်းရင်းမြစ်ဖြစ်အောင် လုပ်ထားတယ်။ သတင်းကို မှူးဇော်တို့စိတ်ကြိုက်ထုတ်တယ်။ အတိုင်ပင်ခံရုံးနာမည်တပ်တယ်။ အဲဒါကြောင့် နောက်ကွယ်မှာ ပြဿနာတချို့တက်ခဲ့တယ်။

ရိုဟင်ဂျာ အရေးဟာ မြန်မာ့သမိုင်းမှာ အကြီးဆုံးထောင်ချောက်ကြီးဖြစ်တယ်။ ရိုဟင်ဂျာသရဲနဲ့ ခြောက်လှန့်ပြီး ပြည်သူလူထုတရပ်လုံးရဲ့ နိုင်ငံရေး အသိစိတ်ကို ဖျက်ဆီးနေတယ်။ ဒီမိုကရေစီစိတ်ဓာတ်ကို နာဇီစိတ်ဓာတ်ဖြစ်အောင် လုပ်နေတယ်။ မျိုးချစ်စိတ်က ဒီမိုကရေစီထက် အရေးကြီးတယ်။ လူ့အခွင့်အရေးထက် အမျိုးဘာသာက အရေးကြီးတယ်ဆိုတာတွေဆီရောက်လာအောင် လမ်းလွဲပို့နေတယ်။

အဆိပ်ထဲမှာ လူမျိုးရေး၊ ဘာသာရေး အဆိပ်က အပြင်းဆုံးပဲ။ အဲဒီအဆိပ်ဟာ သွေးထဲမှာ မျိုးဆက်တဆက်ပြီး တဆက်ဆက်ပြီးစီးဆင်းနေတတ်တယ်။ စစ်အာဏာရှင်တွေဟာ နောက်မျိုးဆက်အပေါ်မှာထိ ကျူးလွန်တဲ့ နိုင်ငံရေးပြစ်မှုကြီးကျူးလွန်နေတာဖြစ်တယ်။

အဖိနှိပ်ခံ ဆင်းရဲသားအချင်းချင်း ကိုယ်ချင်းစာတရားထားကြစေချင်ပါတယ်။ စစ်အာဏာရှင်ဆန့်ကျင်ရေး လမ်းကြောင်းပေါ်မှာ တသမတ်တည်း ဖြောင့်ဖြောင့်မတ်မတ်ရပ်တည်ကြစေချင်ပါတယ်။

ဒီတောင်ကို မကျော်နိုင်ရင် စစ်အာဏာရှင်စနစ်အောက်မှာ ကျနော်တို့ ပြည်သူတွေအားလုံး နှစ်ပေါင်းများစွာ ပြားပြားမှောက်ကြရပါလိမ့်မယ်။

ဇော်ဝင်း
၈၈ ဗကသကျောင်းသားဟောင်း

(Zaw Win's Facebook Status မှ ကူးယူဖော်ပြသည်။)

အပြည့်အစုံသို့...

Thursday, September 7, 2017

ယုံတမ်းစကားများကို အဆုံးသတ်​ပြီး အကြီးမားဆုံး ရာဇဝတ်မှုကို ​ဖော်ထုတ်​ခြင်း

(Aung Naing Moe's Facebook Status မှ ကူးယူဖော်ပြပါသည်။)

၂၀၁၂ ခုနှစ်​ ရခိုင်​ပြည်​မှာ စစ်​အစိုးရက ရိုဟင်​ဂျာ​တွေအ​ပေါ် နှိပ်​ကွပ်​အပြီးမှာ သာမန်​ကျိုး​ကြောင်းဆင်​ခြင်​ဉာဏ်​နဲ့ ဘယ်​လိုမှ ယုံကြည်​လက်​ခံနိုင်​စရာမရှိတဲ့ ဝါဒမှိုင်းတခု ​ပေါ်ထွက်​လာခဲ့ပါတယ်​။ အဲ့ဒီဝါဒမှိုင်းက​တော့ ရိုဟင်​ဂျာ (မျိုးချစ်အစွန်းေ​​ရာက်​များအ​ခေါ် ဘင်္ဂလီ)​တွေဟာ ကိုယ့်​အိမ်​ကိုယ်​ မီးရှို့ထွက်​​ပြေးတယ်​ဆိုတဲ့ လှိမ့်​လုံးပါပဲ။ မျိုးချစ်​နလပိန်းတုန်း​တွေကလွဲလို့ စဉ်းစားဉာဏ်​ရှိတဲ့ ကမ္ဘာ​ပေါ်က ဘယ်​သူကမှ ဒီလှိမ့်​လုံး၊ ဖြီးလုံးဖြန်းလုံးကို မယုံကြည်​ကြပါဘူး။

ဒါ​ပေမယ့်​ ဒီက​နေ့မှာ​တော့ ဒီဖြီးလုံးဖြန်းလုံးဟာ အတိုင်​ပင်​ခံရုံးညွှန်​ချုပ်​ ​ဇော်​​ဌေး ​ခေါ် မှူး​ဇော်​​ကျေးဇူး​ကြောင့်​ ဆက်​လက်​ရှင်​သန်​ခွင့်​မရဘဲ နိဋ္ဌိတံသွားပါပြီ။

သိကြတဲ့အတိုင်း မြန်​မာအစိုးရနဲ့​စစ်​တပ်​​ပေါင်းပြီး ဘူးသီး​တောင်​၊ ​မောင်း​တော​ဒေသမှာ နယ်​​မြေရှင်းလင်း​ရေးလုပ်​လိုက်​တာ က​လေး၊မိန်းမ၊သက်​ကြီးရွယ်​အိုအပါအဝင်​ ရိုဟင်​ဂျာ အများအပြား ​ ​သေကြပျက်​စီးပြီး အိမ်​​ပေါင်းများစွာ၊ ရွာ​ပေါင်းများစွာ မီးအရှို့ခံရပါတယ်​။ အာရှလူ့အခွင့်​အ​ရေး ​စောင့်​ကြည့်​​ရေးအဖွဲ့ကြီးက ဂြိုလ်​တုက ရိုက်​ကူးထားတဲ့ မီး​လောင်​​နေတဲ့ အိမ်​​​တွေ၊ ရွာ​တွေရဲ့ မှတ်​တမ်းဓာတ်​ပုံ​တွေကို ထုတ်​ပြန်​ထားပါတယ်​။

ထုံးစံအတိုင်း မြန်​မာလူမျိုး​ရေးအစွန်း​ရောက်​​တွေနဲ့ ​အောင်​ဆန်းစုကြည်​ရဲ့ အတိုင်​ပင်​ခံရုံးက သတင်းထုတ်​ပြန်​​ရေး တာဝန်​ရှိသူ မှူး​ဇော်​တို့က ဒါဟာ မွတ်​စလင်​​တွေ ကိုယ့်​အိမ်​ကိုယ်​ မီးနဲ့ ရှို့​ပြေးတာလို့ လိမ်​ညာ​ပြောကြားပြန်​ပါတယ်​။ ဒါ​ပေမယ့်​ ဒီတကြိ်မ်​မှာ​တော့ သူတို့ အမှားကြီးတရပ်​ကို ကျူးလွန်​ခဲ့ပါတယ်​။

အဲ့ဒါက​တော့ ​မောင်း​တောမြို့အထက်​တန်း​ကျောင်းတခုမှာ ဖွင့်​လှစ်​ထားတဲ့ ဒုက္ခသည်​စခန်းမှာ ခိုလှုံလာတဲ့ ဟိန္ဒူမိသားစု​တွေထဲက တချို့​တွေကို မွတ်​စလင်​လို ဝတ်​စား​စေပြီး အိမ်​​တွေကို မီးရှို့​နေတဲ့ပုံ​တွေ လုပ်​ဇာတ်​ခင်း ဓာတ်​ပုံရိုက်​ကူးပါတယ်​။ အဲ့ဒီ လုပ်​ဇာတ်​ဓာတ်​ပုံ​တွေကို မှူး​ဇော်​က တွစ်​တာမှာ တင်​ပြီး ဝါဒဖြန့်​ပါတယ်​။.ဒါ​ပေမယ့်​ ခဏအတွင်းမှာပဲ သူ့ရဲ့ လုပ်​ဇာတ်​က ဘူး​ပေါ်သလို ​ပေါ်သွားလို့ ​ဇော်​​ဌေးဟာ အဲ့ဒီဓာတ်​ပုံ​တွေကို တွစ်​တာက ပြန်​ဖြုတ်​သွား​ပေမယ့်​ Screen shot အဖြစ်​ သက်​​သေ အေ​ထာက်​အထား​တွေ ​ကျန်​ရစ်​ခဲ့ပါတယ်​။ သူ့ဓာတ်​ပုံ​တွေထဲမှာပါတဲ့ အကြမ်းဖက်​မွတ်​စလင်​အ​ယောင်​​ဆောင်​ ဟိန္ဒူအမျိုးသားကို မဇ္ဇျိမသတင်းက ရိုက်​ကူးထားတဲ့ အခြားသတင်းဓာတ်​ပုံထဲမှာ ​တွေ့ရတာအပြင်​ မွတ်​စလင်​လို ဝတ်​စားထားတဲ့ အမျိုးသမီးနဲ့အမျိုးသား​တွေရဲ့ ဝတ်​စားဆင်​ယင်​မှု မှားယွင်းချက်​၊ လိုအပ်ချက်​​​တွေကပါ လုပ်​ဇာတ်​ကြီးမှန်း သိသာထင်​ရှားလွန်းလို့ အများ​ထောက်​ပြစရာ၊​ပြောဆိုစရာ ဖြစ်​လာခဲ့ပါတယ်​။

ဒီအဖြစ်​အပျက်ဟာ ​ပေ့ါ​သေး​သေး ရာဇဝတ်​မှု မဟုတ်​ပါဘူး။ ပြည်​သူတရပ်​လုံးနဲ့ ကမ္ဘာသူကမ္ဘာသား​တွေကိုပါ အစိုးရက သူတို့ကျူးလွန်​​နေတဲ့ လူမျိုးတုန်းသတ်​ဖြတ်​မှုကြီးကို ဖုံးကွယ်​လိမ်​လည်​လှည့်​စားဖို့ ကြိုးပမ်းအားထုတ်​ချက်​ကြီး ဖြစ်​ပါတယ်​။ ပြည်​သူတို့ရဲ့ အသက်​အိုးအိမ်​စည်းစိမ်​ကို ကာကွယ်​ဖို့ တာဝန်​ရှိတဲ့ အစိုးရရဲ့ အတိုင်​ပင်​ခံရုံးက ထွက်​တဲ့သတင်း​တွေဟာ အလိမ်​အညာ လုပ်​ဇာတ်​​တွေဖြစ်​​နေတာ စိတ်​ပျက်​စရာပါ။

ဆက်​ပြီး စဉ်းစားရင်​ ရဲကင်းစခန်း​တွေကို အကြမ်းဖက်​သမား​တွေ ဝင်​စီးခဲ့တယ်​ဆိုတဲ့ သတင်းက​ရော အခုလိုပဲ အစိုးရရဲ့ လုပ်​ဇာတ်​တခုမျှသာပဲလား။

နောက်​ပြီး ရန်​ကုန်​၊ မန္တ​လေး၊ ​နေပြည်​​တော်​၊ ​မော်​လမြိုင်​ စတဲ့မြို့ကြီး​တွေမှာ အကြမ်းဖက်​တိုက်​ခိုက်​မှု​တွေ ဖြစ်​လာနိုင်​တယ်​လို့ ကြိုတင်​​သတိ​ပေးထားတာက​ရော အစိုးရရဲ့ ​နောက်​ထပ်​လုပ်​ဇာတ်​​တွေပဲလား။ ပြည်​သူ​တွေရဲ့ အသက်​နဲ့ရင်းပြီး လုပ်​ဇာတ်​မခင်းကြပါနဲ့​တော့။ ပြည်​သူရဲ့ ​သွေးကို စ​တေးပြီး စစ်​တပ်​က နိုင်​ငံ​ရေးဦး​​ဆောင်​ကဏ္ဍမှာ ထာဝရ​နေရ​အောင်​ ​ထောက်​ခံမှုရှာ​နေတာကို ရပ်​တန်းက ရပ်​ပါ​တော့။

ပြည်​သူလူထုအ​နေနဲ့ အစိုးရက ပြည်​သူကို အခုလို ရည်​ရွယ်​ချက်​ရှိရှိ မမှန်​မကန်​ လုပ်​ကြံဖန်​တီးထားတဲ့ သတင်း​တွေကို ထုတ်​ပြန်​​နေခြင်းက​နေ ရပ်​တန်းက​နေရပ်​ဖို့ ဆန္ဒပြဖိအား​ပေး​တောင်းဆိုသင့်​တယ်​။

အပြည့်အစုံသို့...

Wednesday, September 6, 2017

ရဲ​ဘော်တဦးသို့ပြန်ကြားချက်​

ပရဟိတဆိုတာ လုံးဝနိုင်​ငံ​ရေးမဟုတ်​ဘူးလို့​ပြောရင်​ရတယ်​ခင်​ဗျ။နိုင်​ငံ​ရေးမဟုတ်​ရုံသာမကဘူး နိုင်​ငံ​ရေးဘက်​ကို မ​ရောက်​​အောင်​လူ​တွေကို စိတ်​ထွက်​​ပေါက်​​ပေးပြီး အသာတကြည်​လုပ်​ခွင့်​ပြုထား​ပေးတဲ့ နယ်​ပယ်​တစ်​ခုလည်းဖြစ်​တယ်​။ပရဟိတနယ်​ပယ်​ကျယ်​ပြန့်​လာ​လေ​လေ နိုင်​ငံ​ရေးနယ်​ကျဉ်း​မြောင်းလာ​လေ​လေ​တောင်​ဖြစ်​တတ်​တယ်​။

ပရဟိတလုပ်​​နေတဲ့အင်​အားစုကြီးတစ်​ရပ်​လုံးသာ နိုင်​ငံ​ရေးဘက်​ကူး​ပြောင်းလာရင်​ နိုင်​ငံကပိုဖွံ့ဖြိုးအား​ကောင်းလာမှာအမှန်​ပဲ။လူ​တွေပညာသင်​ဖို့အခက်​အခဲရှိလို့ ဘက​ကျောင်း​တွေ​ပေါ်လာတယ်​၊အမှန်​တကယ်​က အစိုးရက တာဝန်​အပြည့်​အဝမယူလို့၊အခမဲ့ပညာစနစ်​ပီပီပြင်​ပြင်​မရှိလို့၊ဒါ​တွေဟာ အစိုးရကို ​တောင်းဆိုရမယ်​၊မ​ကောင်းတဲ့အစိုးရကိုဖြုတ်​ချပြီး အစိုးရသစ်​နဲ့အစားထိုး​ပေးရမယ်​။ဒါဆို စနစ်​ကြီးတစ်​ခုလုံး​ပြောင်းသွားပြီး ပညာ​ရေး၊လူမှု​ရေး၊ကျန်းမာ​ရေး​တွေ အကုန်​မ​ကောင်းလာဘူးလား။

ခုလို ပရဟိတ​ဘောင်​ကိုဖွင့်​ထား​တော့ ယာယီနည်းနဲ့ခုသာခံသာဖြစ်​​နေ​ပေမယ့်​ ​ရေရှည်​မှာ အားကုန်​လာလိမ့်​မယ်​။လှူတဲ့လူ​တွေဘယ်​​လောက်​ရှိရှိ ​နေရာအနှံ့အပြားက ဒုက္ခ​မီး​တွေကို လိုက်​မငြိမ်းနိုင်​ဘူး။ဆေးရုံ​ပေါ်​ဆေးမရှိတာ၊​ကျောင်း​တွေမှာ ဆရာမလုံ​လောက်​တာ၊လူ​တွေအဟာရချို့တဲ့​နေတာ၊စစ်​​ပြေးဒုက္ခသည်​​တွေတိုးပွားလာတာ အစရှိတဲ့ ပြဿနာ​ပေါင်း ​သောင်း​ခြောက်​​ထောင်​ကို ပရဟိတနည်းနဲ့ ကယ်​ဆယ်​တာ အဲ့ဒီပြဿနာ​တွေကို အမြစ်​ပြတ်​​ဖြေရှင်း​ပေးနိုင်​တာမဟုတ်​ဘူး။ဆိုလိုတာက ပရဟိတဟာ ကျန်းမာ​ရေးချို့တဲ့​နေတဲ့​ဝေဒနာသည်​ကို အရှင်း​ပျောက်​ကင်းသက်​​သာ​စေနိုင်​တဲ့ကုထုံးနည်းနဲ့မကုဘဲ ယာယီ​ဝေဒနာသက်​သာ​စေတဲ့​ဆေးမြီးတို​ပေးသလိုပဲဖြစ်​​နေလို့ပါပဲဗျာ။

အဲ့​တော့ ကျ​နော့်​အယူအဆကို​ပြောရရင်​ လက်​ရှိနိုင်​ငံ​ရေးစနစ်​ကိုမကြိုက်​ရင်​ အားလုံးအားစုစည်းပြီး ​တော်​လှန်​တာပိုထိ​ရောက်​တယ်​၊ပရဟိတမလုပ်​ရဘူးလို့မဆိုလိုဘူး၊အစိုးရမ​ကောင်းလို့ဖြစ်​တာဆိုတာ မှန်​ကန်​စွာရှုမြင်​သုံးသပ်​ပြီး အစိုးရကို​တော်​လှန်​ဖို့​တော့လိုမယ်​။နောက်​စနစ်​အ​ပြောင်းအလဲနဲ့အတူ ဒီဒုက္ခ​တွေအားလုံးကို ​ဖြေရှင်းသွားလို့ရတယ်​။လူလတ်​တန်းစားနဲ့တချို့စိတ်​​ကောင်း​စေတနာရှိတဲ့ အီလစ်​​တွေရဲ့ အာသာ​ပြေကိုယ်​ကျိုးစွန့်​မှုဆိုတာက​နေ တိုးပွားလာ​နေတဲ့ ပရဟိတ​ဘောင်​ကို ပြန်​ချုံ့ပြီး စစ်​အာဏာရှင်​စနစ်​​တော်​လှန်​​ရေးအတွက်​ လမ်းညွှန်​တာစူ​ပေးရ​တော့မယ်​။

ကျော်​ကိုကို
၆.၉.၂၀၁၇

(Rahul Kyaw Ko Ko's FB Status မှ ကူးယူဖော်ပြပါသည်။)

အပြည့်အစုံသို့...

Wednesday, August 30, 2017

YBS ပေါ်က ပီတိများ


မနေ့က မနက်ပိုင်း YBS ၂၀ ပေါ် လေထိထားတဲ့ ကျနော် လှိုင်သာယာ ရုံးရှေ့မှတ်တိုင်ကနေ ထော့နင်း ထော့နင်း တက်လာလို့လားမသိ၊ အစ္စလာမ်ဘာသာဝင် မဟုတ်ရင် ဟိန္ဒူဘာသာဝင် ဖြစ်ဖို့များတဲ့ ဘောလိဝုဒ်မင်းသားနဲ့ ခပ်ဆင်ဆင် ညီငယ်လေးတဦးက သူ့ကို ကျောပေးရပ်လိုက်တဲ့ ကျနော့်ကို လက်တို့ပြီး သူ့နေရာမှာ ထိုင်ဖို့ ထပေးတယ်။ ကျနော် အားနာသွားပြီး ''ရတယ် ညီ ... ဝေးရင် ထိုင်ပါ၊ အစ်ကို ရပ်စီးနေကျပါ'' လို့ သူ့ကို ပြန်ပြောမိတယ်။

သူက ရတယ် အစ်ကို ထိုင်ပါဆိုတဲ့သဘော ပြုံးပြီး လက်ကာပြတယ်။ ဒါနဲ့ ကျနော်လည်း ''ကျေးဇူးပဲ ညီ'' လို့ ပြောပြီး သူ ဖယ်ပေးတဲ့ ခုံမှာ ထိုင်စီးလာခဲ့တယ်။ ဘုရင့်နောင်လမ်းဆုံမှတ်တိုင် (မင်္ဂလာသန်းမြင့်အနီး) မှာ ကျောပိုးအိတ်ကို လွယ်၊ ဆံပင်ဂုတ်ဝဲကို အဖြုအနက်ကျား ဆေးဆိုးထားပြီး ဖုန်းနားကျပ်လေးနားထောင်ရင်း ကားပေါ်က ဆင်းသွားတဲ့ ခေတ်လူငယ်စတိုင် အဲဒီညီငယ်လေးကို ကြည့်ငေးရင်း မနက်အစောမှာ ကျနော် ပီတိသောမနဿ ဖြစ်ခဲ့ရလေတယ်။

ဒီမတိုင်ခင်တရက် မ/ဥက္ကလာ ဥက္ကာမှတ်တိုင်ကနေ YBS ၁၆ ကို တက်စီးတော့ ခုံအလွတ် တွေ့တာနဲ့ ကျနော် ထိုင်စီးလာတယ်။ နောက်တမှတ်တိုင် မေဓာဝီလမ်းဆုံ ရောက်တော့ လသားအရွယ် ကလေးငယ်လေးကို ချီထားတဲ့ ဗလခပ်တောင့်တောင့် ထောင်ထောင်မောင်းမောင်း ရှော့ပင်ဝတ် လူရွယ်တဦး တက်လာတယ်။ ကျနော်က ခုံမှာ လာထိုင်ဖို့ လက်ရပ်ခေါ်တော့ သူက ရတယ်ဆိုတဲ့သဘော လက်ပြတယ်။ ဒါနဲ့ ကျနော် မတ်တပ်ရပ်လိုက်ပြီး လာထိုင်ဖို့ အတင်းခေါ်မှ သူက လာထိုင်တယ်။

သူတို့သားအဖ ဘေးမှာ ရပ်စီးလာတဲ့ ကျနော့်ကို ကလေးငယ်လေးက မော့ပြီး တလမ်းလုံး ပြုံးကြည့်နေတယ်။ ကျနော်က ကလေးငယ်လေးရဲ့ပါးကို ပြန်ပွတ်လေ ကလေးငယ်လေးက ကျနော့်ကို ပြုံးပြလေဖြစ်ပြီး မတ်တပ်ရပ်စီးလာတဲ့ ကျနော် ညောင်းလို့ ညောင်းမှန်းမသိ ပီတိတွေဖြာနေမိတော့တယ်။ အဖေလုပ်သူကလည်း ကလေးငယ်လေးကို နမ်းလိုက် တချက်တချက် ကျနော့်ကို ကြည့်လိုက်နဲ့ ပြုံးလို့ရွှင်လို့ ...။

YBS ၂၀ ပေါ်က ဆင်းသွားတဲ့ ညီငယ်လေးလည်း ကျနော် YBS ၁၆ ပေါ်မှာ ရခဲ့တဲ့ ပီတိမျိုး ခံစားရလိမ့်မယ်လို့ ကျနော် တွေးနေမိတယ်။

ဒေါက်တာလွဏ်းဆွေ
(၃၀ သြဂုတ် ၂၀၁၇)

အပြည့်အစုံသို့...